BANDO DO ALCALDE DE BARRIO

Queda totalmente prohibido dende as nove horas de mañá, a circulación de mozas pola Fonte do Campo. Isto ben a ser que cada unha que pasa, zás, unha piqueta que furou o cano da auga do rueiro. A este paso vai haber máis remendos na tubería ca nos antergos pantalóns dos pobres. Os de Espina y Delfín xa están negros de tanto parcheo.

E non vos digo nada do que vén serrando a rúa de cemento, pois onte ollando unhas "curvas", pois iso, que fixo curvas en vez de vir dereito pola marca/sinal e serrou a recén estrenada calle segundo lle ían os olliños. Logo houbo berros para todos co encarregado. (Pero isto entre nós, ollaron os dous, malia que o xefe non tiña a piqueta na man e non fixo unha avaría senón furaría ata o alcantarillado).

Malia isto, a empresa a este paso vai presentar quebra por non atenderen ó traballo. Cada moza que pasa, o da pala segue tras dela coa mirada. ¡E coa pala xirando, claro! E así vai a cousa, que en vez de encher o chimpín co escombro, enche a Fonte. Non hai dereito, mozas. ¿Non sabedes que o home, conforme olla "unhas curvas femininas" é home morto? Eu o medo que teño é que leven a Fonte que fixo o meu visabó Torrado por diante cun palazo da excavadora. Hoxe pouco lle faltou, pois, cando eu estaba tomando o descafeinado das cinco, veume un gallupón á boca co susto da pala e polo do "susto"(?) do palista.

Pero o perigo aínda está en que de seguir así, metan os cables de R nos tubos do Gás e viceversa. Logo estás na cociña quentando o leite e, ó abrir o gás sáeche a chica de R : "Aproveche nuestras ofertas para hablar más y disfrutar de nuestra red de Internet". E co susto, veña, o leite por fóra no outro fornelo. Pero peor vai ser aínda cando collas o teléfono e poidas quedar axfisiado de gás. Isto é moi, pero moi serio, mulleres. ¡Que non son só as mozas!

É por isto polo que dispoño que: A partir de mañá, mércores, as mulleres (todas sen excepción) deixen de cruzar pola Fonte do Campo. Queda totalmente prohibido ata nova orde. Para circular deica ó Campo -Rúa Real- faráno polo Río da Roda, Carreixo da Man Peluda, Campiño e abxacentes. Logo que non se queixen se quedan sen auga para a lavadora e o lavavaixelas. Ducharse tantotén, hai moito frío e aínda sería unha boa disculpa.

En canto ós mariñeiros do pobo, poden tomar os viños no bodegón sen perigo ningún. Os albaneis non son cegos, a Deus grazas.

Asinado: Corme Cháns Cousillas.

-------------------------------------------------------------------------------------------------

P.D. Adicado ós obreiros que están a facer esta obra polo traballadores e formales que son. E ó capataz, que é un cachopán. Á cousa hai que porlle un pouco de humor ante a crise.

Co meu agarimo.